ސެޕްޓެމްބަރ މަހުގެ މެދުތެރޭގައި އަންނަ ސްކޫލު މިޑް ބްރޭކާއި ދިމާކޮށް މައިދާނުން ބާއްވާ ޔޫތު ޗެމްޕިއަންޝިޕުގެ ގުރުނެގުން މިރޭ ކުރިއަށް ގެންގޮސްފިއެވެ.

އަތޮޅު ކައުންސިލުގެ ހޯލުގައި ކުރިއަށް ގެންދިޔަ ގުރު ނެގުމުގެ ހަފުލާގައި މުބާރާތުގައި ބައިވެރިވެފައިވާ ހުރިހާ ޓީމުތަކެއް ބައިވެރިވިއެވެ. ދެ ޑިވިޝަނަށް ކުރިއަށް ގެންދެވޭ މި މުބާރާތުގައި ޖުމުލަ 12 ޓީމުވަނީ ބައިވެރިވެފައެވެ.

ކުޑަކުދިންނަށް ޚާއްޞަކުރެވިފައިވާ މި މުބާރާތުގައި 16 އަހަރުން ދަށުގެ ޑިވިޝަނާއި 13 އަހަރުން ދަށުގެ ޑިވިޝަން ހިމެނެއެވެ.

މުބާރާތުގެ މެޗުތައް ކުޅުމަށް ހަމަޖެހިފައިވަނީ 13 އަހަރުންދަށުގެ ޑިވިޝަން ހަވީރުގައެވެ. އަދި 16 އަހަރުންދަށުގެ ޑިވިޝަންގެ މެޗުތައް ކުޅުމަށް ހަމަޖެހިފައިވަނީ ރޭގަނޑުގައެވެ.

މި މަހުގެ 19 ވަނަ ދުވަހުގައި ފެށުމަށް ހަމަޖެހިފައިވާ މުބާރާތުގެ ފައިނަލް ކުޅުމަށް ހަމަޖެހިފައިވަނީ ސެޕްޓެމްބަރ 24 ވާ ހުކުރު ދުވަހުގައެވެ. މިއީ ކުޑަކުދިންނަށް އަމާޒުކޮށް ކުޑަހުވަދޫގައި ކުރިއަށް ގެންދެވޭ އެންމެ ފޯރިގަދަ މުބާރާތެވެ.