63 ބައިވެރިންނާއިއެކު ދ.އަތޮޅު ޤުރްއާން މުބާރާތް ފަށައިފިއެވެ. 37 ވަނަ ޤައުމީ ޤުރްއާން މުބާރާތަށް ދ.އަތޮޅު ތަމްސީލު ކުރުމަށް ބައިވެރިން ހޮވުމަށް ބޭއްވޭ މި މުބާރާތުގައި ދ އަތޮޅުގެ ހުރިހާ ރަށަކުން ބައިވެރި ވެފައިވެއެވެ.

މިއަހަރުގެ މުބާރާތް ކުޑަހުވަދޫގައި ކުރިއަށް ގެންދެވޭއިރު، މުބާރާތުގެ ބައިވެރިން ކިޔެވުމަށް ހަމަޖެހިފައިވަނީ ދ.އަތޮޅު ތަޢުލީމީ މަރުކަޒުގައެވެ. ޖުމުލަ 3 ދަންފަޅިއަށް ކުރިއަށް ގެންދެވޭ މި މުބާރާތުގެ އިނާމު ދިނުމުގެ ޖަލްސާ ބޭއްވުމަށް ހަމަޖެހިފައިވަނީ ހޮނިހިރު ދުވަހުގައެވެ.

މުބާރާތުގައި 6 ކީ.ސްޓޭޖަކުން ބައިވެރިން ކިޔަވާނެއެވެ. މި މުބާރާތުގެ ފަނޑިޔާރުންނަކީ ޤައުމީ ޤުރްއާނާ ބެހޭ މަރުކަޒުގެ ތަޖުރިބާ ހުރި ބޭފުޅުންނެވެ. އިސްފަނޑިޔާރަކީ އަލްޤާރީ މޫސާ އަޙްމަދެވެ.

ދ.އަތޮޅަކީ ކީރިތި ޤުރްއާން ރިވެތިކޮށް ކިޔެވުމަށް ލޯބިކުރާ ރައްޔިތަކު ދިރިއުޅޭ އަތޮޅެކެވެ.