ދ.އަތޮޅު ޤުރްއާން މުބާރާތް 2025 ގެ އެއްވަނަ ދ.ކުޑަހުވަދޫއިން ހޯދައިފިއެވެ. މި މުބާރާތުގައި ދ.އަތޮޅުގެ 6 ރަށަކުން ވާދަކޮށްފައިވެއެވެ. މި މުބާރާތުގެ 2 ވަނަ މީދޫ އިން ހޯދާފައިވާއިރު 3 ވަނަ ހޯދާފައިވަނީ ހުޅުދެލިންނެވެ.

37 ވަނަ ޤައުމީ ޤުރްއާން މުބާރާތަށް ދ.އަތޮޅު ތަމްސީލު ކުރާނޭ 17 ދަރިވަރަކު މި މުބާރާތުން ވަނީ ނެގިފައެވެ. އެގޮތުން ކުޑަހުވަދޫގެ 10 ދަރިވަރުންނާއި މީދޫގެ 5 ދަރިވަރުންގެ އިތުރުން މާއެނބޫދޫ އަދި ރިނބުދޫއިން ދަރިވަރެއް ހޮވިފައިވެއެވެ.

އަތޮޅު ޤުރްއާން މުބާރާތުގެ ހުރިހާ ގޮތްޕަކުން 1 ވަނަ ޙާޞިލުކޮށްފައިވަނީ އީލާފް އަޙްމަދު ޞަލާޙް އެވެ. 2 ވަނަ އައިރީ ބިންތު ޔާމީން އަށް ލިބިފައިވާއިރު 3 ވަނަ ލިބިފައިވަނީ މަރްޔަމް ޒަލްޚާ މޫސާ އަށެވެ.

މި މުބާރާތުގެ ކިޔެވުން ކުރިއަށް ދިޔައީ ޖޫން 26 އަދި 27 ވަނަ ދުވަހުގައި ދ.އަތޮޅު ތަޢުލީމީ މަރުކަޒުގައެވެ.