ދަޢުވަތުގެ ދަތުރެއްގައި ރޭގެ ވަގުތެއްގައި މެލޭޝިޔާއަށް ވަޑައިގެންނެވިތަނުން އެއަރޕޯޓުގައި ޝައިޚް ފަރީދު ވަނީ ކުއްލި ގޮތަކަށް ނިޔާވެފައެވެ. ޝައިޚްގެ ޖަނާޒާގެ އެންމެހާކަމެއް މިހާރު ބޭއްވުމަށް ހަމަޖެހިފައިވަނީ މެލޭޝިޔާގައެވެ.

“މެލޭޝިޔާގައި މާދަމާ ބޭއްވުމަށް ހަމަޖެހިފައިވާ އަޅުގަނޑުގެ ލޮބުވެތި ބޭބެ ޝައިޚް އިބްރާހީމް ފަރީދުގެ ޖަނާޒާގައި ވީހާގިނަ ބޭފުޅުން ބައިވެރިވެލެއްވުމަކީ އަޅުގަނޑުމެންގެ ވަރަށް ބޮޑު އެދުމެކެވެ.” ޝައިޚް ފަރީދުގެ ކޮއްކޮ އައްޝައިޚް ޢަލީ ޒައިދު މީސް މީޑިއާގައި ޙިއްސާކުރެއްވި މަޢުލޫމާތުގައިވެއެވެ.

ޝައިޚުގެ ޖަނާޒާ ކުރިއަށްދާނީ މެލޭޝިޔާގެ ރާޖާ ހާޖި ފީސަބީلله މަސްޖިދުގައި މެންދުރު ނަމާދަށް ފަހުގައެވެ. މޫނު ދެއްކުން މާދަމާ 11:00 - 12:30 އަށް އެ މިސްކިތުގައި ކުރިއަށްދާނެއެވެ.

ޝައިޚް އަވަހާރަވިއިރު ޢުމުރުފުޅަކީ 53 އަހަރެވެ. ޖަނާޒާގެ އެއްވެސް ބަދަލެއް އަންނަނަމަ އެކަން ހިއްސާކުރާނެކަމަށް ޢާއިލާއިން މަޢުލޫމާތު ދެއެވެ. ޝައިޚުގެ ދީނީ އަދި އިންސާނީ ޚިދުމަތްތަކަކީ ފާހަގަކޮށްލެވޭ ކަންކަމެވެ.